| Образованието страда од низок стандард и корупција |
| 28.05.2010. | |
|
СТУДЕНТИТЕ И УЧЕНИЦИТЕ НЕЗАДОВОЛНИ ОД СОСТОЈБИТЕ
- Најголемиот дел од студентите што студираат на општествените науки истакнуваат дека по завршувањето на факултетот не се чувствуваат подготвени за работа. Факултетите треба да станат врска меѓу студентите и пазарот на трудот - велат од Младинскиот образовен форум. И условите во кои студираат студентите се на незадоволително ниво. Со месеци доцнат исплатите на кредитите и на стипендиите, а условите во студентските домови се далеку од нормални. - Министерот ни вети дека до април ќе се заврши реновирањето на машката зграда во студентскиот дом „Стив Наумов“, но еве и по еден месец од неговото ветување, зградата се уште не е готова - вели студент сместен во домот „Стив Наумов“. Освен проблемите во високото образование, и учениците ја почувствуваа на своја кожа неажурноста на надлежните. Седмоодделенците и четвртоодделенците речиси целата година ја поминаа без учебниците, кои бесплатно им ги вети Министерството. |
Корупцијата во високото образование, нискиот студентски стандард, нередовната исплата на студентските стипендии и кредити, како и низата проблеми во средното и во основното образование, како што се проблемот со бесплатните учебници, изучувањето на македонскиот јазик за првачињата Албанци и уште редица други, ја одбележаа учебната година.| < Претходно | Следно > |
|---|
Целта на порталот како прв и единствен од ваков вид во Македонија е да им даде целосна и вистинита информација на сите баратели но и потенцијални корисници на стипендии , доделени во Македонија или од странство .